ما هو الإنبهار؟
ما هي فوائد الإنبهار؟
جربت مرة حد يقولك نصيحة وتنبهر؟
الإنبهار: هو اتساع نسبي في حدقة العين يصاحبه احساس بالإنبساط والإهتمام
والتعجب في نفس الوقت ؛ وهو احلي رد فعل ممكن يتلقاه شخص يتحدث معك ويفيدك بنصيحة
أو بفكرة جديدة .
ايه اللي هيحصل لما أنبهر! ! يعني إستفدت ايه ؟ ! ! !
في الحقيقة الإنبهار مفيد للطرفين المنبهر والواقع عليه الإنبهار؛ بمعني أنه حين تنبهر بنصيحة قدمها لك شخص بتكون إستفدت لأن الشخص اللي قدملك
المعلومة لما هيلاقيك معجب بأفكاره لهذه الدرجة ومهتم هيولد عنده رغبة في إنه
يفيدك أكثر ويقدملك نصائح وخبرات ومقترحات أكثر لأنه شعر أن هناك من يقدر كلامه وآرائه .
وبالنسبة للشخص ( الغلبان ) اللي قدملي كل حاجة إستفاد بإيه ؟! ! !
أولا رد فعلك ده هيعزز ثقته بنفسه جدا وهيحس بأهميته وإن فيه حد بيقدر
كلامه لأنه جزء أساسي من إحتياجات الإنسان الأساسية ( أن يشعر بالتقدير من الآخرين
) فيحقق عنده سعادة بالغة تدفعه للأمام في أمور حياته لأنه شعر بإن حديثه محل إعجاب
وتقدير وبالتالي حقق حاجة أساسية من إحتياجاته كإنسان .
نوضح بأمثلة :
1) * جربت تنبهر لما إبنك اللي عنده ( 4 سنين ) رسم صورة سيريالية عن إتنين
عفاريت عندهم رأس كبيرة وعنين أكبر وفتلة نازلة منهم وقالك بإبتسامة بريئة ( إنت
وماما ) جرب تنبهر كده ..! ! !
* هتلاقيه فرحان أوي ودخل يرسم العيلة كلها ومش بعيد في المستقبل يكون فنان
.
أحدهم كان يرسم خطوط غريبة لا يصفها أحد بالرسم وبفضل تشجيع والدته
وإنبهارها وحدها ب ( شخبطته ) أصبح رسام مشهور .
2 ) * جربت تنبهر لما صاحبك قالك إزاي أقنع مراته إنها متخرجش ( الويك إند )
ده ويقضوه في البيت ؟ ! !
* هتلاقيه قدملك ملف كامل عن أسرار معاملة الزوجة وإزاي تتقي شرها..! !
3 ) * جربتي تنبهري لما صاحبتك عرفتك السر وراء إن جوزها هو اللي مقتنع إنه
لغي الخروجة وكأنه قراره هو ! ! ! ! ( عذرا أيها الرجل )
* هتلاقيها أطلعتك علي خبايا أكتر بكتير .....
4 ) * جرب تنبهر لما شخص كبير في السن يقولك علي معلومة أو قصة حتي لو سمعتها
منه ألف مرة ! !
* هتلاقي إبتسامة علي وشه ممكن بجد تخلي عنيك تدمع لأنه غالبا في السن ده
بيحس إنه كبر و ( ملوش لازمة ) وإنه مجرد عبء علي الآخرين .....
هي الفكرة إنسانية جدا أساسها الإمتنان ؛ الإمتنان للشخص اللي حب يفيدك
معاه ويشاركك خبرته في صيغة الإنبهار وهو أعلي درجة من ( الإهتمام ) والإمتنان لنفسك لأنك قدمتلها إستفادة عن خبرات الآخرين وكلنا
بلا إستثناء في إحتياج لتبادل خبرات بعض ؛ وبالتالي حققت مبدأ (win :win)
بالطبع ليست الرسالة هنا : أن تنبهر ( علي نفسك ) علي أي شئ وكل شئ لأنه
هذا يعني أن يتهمك الناس بإنك ( غير طبيعي ) إذا كنت فهمت دعوتي بهذه الطريقة فأنت لم تستوعب
الفكرة وإنما ما أقصده هو أن تخصص لمن يتحدث معك عن خبرة ، نصيحة أو تجربة يقصد أن يفيدك بها بعض الإهتمام يصل
لحد الإنبهار ( قليل من الإنبهار لا يضر ) ؛ وبالطبع ليس ما أقصده هو أن تنافق
الناس ؛ لأني أجزم أن هناك شخص يقرأ رفع ( حواجبه ) وقال يعني أنافق الناس ! ! !
غير صحيح إنبهر فقط عندما يستحق الأمر لذلك لكن لا تكابر علي النصيحة ولا
تتعالي لأن فيه ناس كتير بتنبهر ( جوا نفسها ) !
يعني مثلا تنصحه وتفيده وتلاقيه من داخل نفسه منبهر جدا بكلامك لكن وشه من
برا بيقولك ( آه عادي ماأنا عارف ) متكابرش وخلي نيتك إنك تفيد وتستفيد هتلاقي نفسك بتملأ ميزان حسناتك لمجرد أن نيتك إنك تقدم صيغة شكر محترمة علي كلام إستفدت منه .
عارف إيه سر سعادة الأطفال ؟ ! ! ! !
الإنبهار ؛
بس الفرق بينا وبينهم إن الكون كله مبهر بالنسبة لهم أما نحن فقد فقدنا جزء من
السعادة مع فقدان الإنبهار .
عموما إذا شعرت أنك لا تستطيع أن تنبهر مع الآخرين .... علي الأقل إنبهر مع
أسرتك ؛ جرب تتبع معهم هذا السلوك ؛ فيمكن لعلاقتك أن تتغيرمعهم لأنك دعمتها ببعض
الإهتمام أثناء حديثكم مع بعض .
خليك علي مبدأ ( أنا
بهير إنبهرت ) .
تعليقات
إرسال تعليق