الأغنية الشهيرة بتقول " بُكرا نهار جديد نفرح فيه ويفرح فينا، نزرع الأرض مواعيد وحب وأمل وين ما مشينا .... ....... " أُغنية جميلة بَحبها وبقدرها وكتير بدندنها، لكن بعد إذن حضرتك؛ سؤال فني: لماذا " بُكرا " لماذا لم تقول " إنهاردة " لماذا لم تبدأ زراعة الحلم اليوم و" دلوقتي "؟ ! مثلا لماذا لم نقول " إنهاردة نهار جديد نفرح فيه ويفرح فينا “؟ ! في الحقيقة لا أعرف لماذا تكون البداية دائما " بُكرا " بداية أي حلم، أي هدف، أي نجاح، أي تقدم، دائماً بتؤجل ل " بُكرا " وكأن كلاً منا يحمل شهادة ضمان ل " بُكرا " السؤال هنا " هل بُكرا موجود؟ " شخصياً بحثت عن " بُكرا " كثيراً ولكنه للأسف غير موجود بالخدمة، حد شاف بُكرا يا جماعة؟ قابلت بُكرا قبل كده؟ شوفت بُكرا يا كابتن؟ المشكلة إن بُكرا ده حكايته حكاية ترجع أُصولها لأيام الطفولة، أقولك إزاي؛ إتفضل معايا مدد على الشزلونج، إنت مش غريب سيب نفسك خالص، خد نفس عميق؛ فاكر وإنت صغير مرت عليك كام بُكرا مؤجلة إلى مالانهاية، إفتكر كده، مثلا: أش...
مدونتي ( عيال أفكاري ) مدونة متنوعة ما بين مقالات، خواطر و تأملات فكرية بلغة عصرية، سهلة، بسيطة و بطريقة ساخرة، فلسفية، عزيزي القارئ إعتبرها ( فضفضة ) لا تدعو للكمال لأني ( مش أفلاطونة ).